ბევრი დავობს იმის შესახებ, ღირს თუ არა ფეხბურთში ვიდეორეფერის სისტემის დანერგვა. მოწინააღმდეგეები ამბობენ, რომ ეს თამაშის ტემპზე უარყოფითად იმოქმედებს, ხოლო მომხრეები ამბობენ, რომ უსამართლო გადაწყვეტილებების რაოდენობა საგრძნობლად შემცირდება.

დღეს ცნობილი გახდა სტატისტიკა, თუ რა შეიცვალა იტალიის საფეხბურთო სამყაროში ვიდეორეფერის გამოყენების შემდეგ.

იტალიაში 346 შეხვედრაში ვიდეორეფერის გამოყენების შედეგები:

  • 1736 - ვიდეორეფერის გამოყენება,
  • 105 - გადაწყვეტილების შეცვლა,
  • -8.8% - თამაშის წესის დარღვევა,
  • -19.3% - მსაჯის გადაწყვეტილების გაპროტესტება,
  • -43% - სიმულაცია,
  • +4.3% - პენალტები.

მართალია, მსაჯის მხრიდან ვიდეოს ნახვას გარკვეული დრო სჭირდება, რაც შეხვედრის ტემპზე ცუდად იმოქმედებს, თუმცა, მეორე მხრივ, აშკარაა, რომ ფეხბურთელები ნაკლებად მიმართავენ სიმულაციას, ნაკლებად აპროტესტებენ გადაწყვეტილებებს და ეს, სულ მცირე, ოდნავ მაინც ახდენს დაკარგული დროის კომპენსირებას.

სამაგიეროდ, გადაწყვეტილებები გაცილებით მეტი ალბათობით იქნება მართებული და სამართლიანი.