იტალიის სერია A-ს ფეხბურთელები ოჯახში ძალადობაზე ცნობიერების ასამაღლებელად სოციალურ კამპანიას შეუერთდნენ და მატჩებზე სახეზე წითელი ზოლით წარსდგნენ.

#unrossoallaviolenza არის კამპანია ქალებზე ძალადობის წინააღმდეგ. კამპანიაში ჩართვით მათ სოლიდარობა გამოხატეს ძალადობის მსხვერპლი ქალების მიმართ. წითელი ზოლი წითელი პომადის სიმბოლოა. ფეხბურთელები კამპანიას აქტირუად უჭერენ მხარს სოციალურ ქსელებშიც.

იტალიის სერია A-ს 34-ე ტურში გუშინ, 22 აპრილს იუვენტუსი ნაპოლს დაუპირისპირდა. თამაში ანგარიშით 0:1 ნაპოლის გამარჯვებით დასრულდა. მატჩში ერთადერთი გოლი, 90-ე წუთზე ნაპოლის ცენტრალურმა მცველმა კალიდუ კულიბალმა გაიტანა. ამ შედეგით ნაპოლი ისევ ინარჩუნებს შანსს გახდეს სერია A-ს გამარჯვებული.