2 წლიანი პაუზის შემდეგ, ერთადერთი ჟურნალი ქართულ კინემატოგრაფზე, FilmPrint ბრუნდება.

ჟურნალის პრეზენტაცია დღეს გაიმართა, რომელსაც ცნობილი ქართველი მსახიობები დაესწრნენ, შემდეგ კი FilmPrint-ის ახალი ნომერი ქუჩაში დაარიგეს.

ახალი ქართული კინოს მხარდამჭერ აქციაში ჩაერთვნენ: ნატო მურვანიძე, ნიკა თავაძე, ბერტა ხაფავა, ია შუღლიაშვილი, ია სუხიტაშვილი, ზურაბ ანთელავა, თემიკო ჭიჭინაძე, გიგა დათიაშვილი, გიორგი გრძელიძე, მარისკა დიასამიძე და სხვები.

FilmPrint ამიერიდან ახალი პერიოდულობით - წელიწადში ერთხელ შეაფასებს მნიშვნელოვან ქართულ კინომოვლენებს. ახალი ნომრის რედაქტორები კი ნინო მხეიძე, ლელა ოჩიაური და ქეთევან ტრაპაიძე არიან.

FilmPrint-ის ახალ ნომერში გაეცნობით:

რეცენზიებს ფილმებზე:

  • რეზო გიგინეიშვილის "მძევლები"
  • ნანას და სიმონის "ჩემი ბედნიერი ოჯახი"
  • გიორგი ოვაშილის "ხიბულა"
  • ზაზა ხალვაშის "ნამე"
  • რუსუდან გლურჯიძის "სხვისი სახლი"
  • მარიამ ხაჭვანის "დედე"
  • გელა ბაბლუანის "ფული"
  • ანა ურუშაძის "საშიში დედა"
  • ზაზა ურუშაძის "აღსარება"
  • ელდარ შენგელაიას "სავარძელი"
  • სალომე ჯაშის "დაისის მიზიდულობა"
  • ნინო გოგუას "ნივთები"
  • რატი ონელის "მზის ქალაქი"

ინტერვიუებს:

  • ნანა ექვთიმიშვილთან
  • ლაშა ბუღაძესთან
  • გიორგი ოვაშვილთან
  • ზურა მაღალაშვილთან
  • ია შუღლიაშვილთან
  • რუსუდან გლურჯიძესთან

ნომერში საუბარია ქართული კინომემკვიდრეობის დაცვაზე, ასევე მიმოხილულია საერთაშორისო თუ ქართული კინოფესტივალები, თანამედროვე ანიმაცია, დოკუმენტური და მოკლემეტრაჟიანი კინო. გაეცნობით საერთაშორისო პრესის მიმოხილვას თანამედროვე ქართულ ფილმებზე, წაიკითხავთ სტატიას - ეროვნული კინოცენტრი ქართული კინოკრიტიკის განვითარების ხელშეწყობისთვის. ასევე ნომერში იხილავთ სტატიას სხვადასხვა საინტერესო კინომოვლენისა თუ სიახლის შესახებ.