საინფორმაციო სააგენტო AP-ის ინფორმაციით, ცოტა ხნის წინ ევაკუაცია გამოცხადდა ნიცის საერთაშორისო აეროპორტში. მიზეზი ამ დროისთვის უცნობია. სამართალდამცავთა დამატებითი ძალები უკვე გამოძახებულნი არიან აეროპორტში.

ფრანგული ზღვისპირა ქალაქი გასული ღამიდან მსოფლიო მედიის ყურადღების ცენტრშია სისხლიანი ტერაქტის შემდეგ. 31 წლის საფრანგეთის მოქალაქე საბრძოლო მასალით დატვირთული სატვირთო მანქანით ხალხის მასაში შევარდა და თითქმის 2 კილომეტრი გაიარა, რასაც 84 ადამიანი ემსხვერპლა, ათეულობით კი დაშავებულია. საფრანგეთმა საგანგებო მდგომარეობა, რომელიც ივლისის ბოლოს უნდა დასრულებულიყო, კიდევ 3 თვით გააგრძელა.