აშშ-ში, ჩრდილოეთ კაროლინას შტატში, არსებობს რესტორანი, რომელიც საკუთარ კლიენტებს ეგზოტიკური და აქამდე არნახული კერძებით უმასპინძლდება.

მენიუში ისეთი უცნაური საკვები შეგხვდებათ, როგორიც არის ალიგატორის ხორცი, ბიზონი, აქლემი, გველი, კუ, თხა, სირაქლემა და ეს ყველაფერი არ არის.

გამოუსწორებელ გურმანებს, ახალი შთაბეჭდილებებისა და გამოცდილების მისაღებად, ამ რესტორანში უკვე ტარანტულის ბურგერიც კი შეგიძლიათ მიირთვათ, რომელიც $30 ღირს.

ტარანტულის ბურგერს საქონლის ხორცით, ყველით, დაბრაწული ობობებითა და ჩილის სოუსით ამზადებენ.

არ გაგიკვირდებათ თუ გეტყვით, რომ მენიუში ახალი ბურგერის გამოჩენამ, კლიენტებში არაერთგვაროვანი რეაქციები გამოიწვია, რადგან მის დაგემოვნებას ნამდვილად სჭირდება გამბედაობა.