ვაშინგტონმა რუსეთის წინააღმდეგ ახალი სანქციების გამოცხადება გადადო, ინორმაციას The Washington Post ავრცელებს. რამდენიმე დღის წინ გაეროში აშშ-ის მუდმივმა წარმომადგენელმა, ნიკი ჰეილიმ ინტერვიუში განაცხადა, რომ სირიის საკითხზე რუსეთის პოზიციის გამო, 16 აპრილს აშშ ახალ სანქციებს გამოაცხადებდა.

The Washington Post წყაროზე დაყრდნობით წერს, რომ დონალდ ტრამპმა მრჩევლებთან შეხვედრის დროს განაცხადა, რომ ნიკი ჰეილის განცხადების გამო უკმაყოფილო იყო, რადგან ახალი სანქციების გატარებისთვის მზად არაა.

თეთრი სახლის წარმომადგენელმა, სარა სანდერსმა განაცხადა, რომ სირიაში ქიმიური თავდასხმის შემდეგ ადმინისტრაცია დამატებითი სანქციების საკითხს განიხილავს.

აპრილის დასაწყისში აშშ-ის ფინანსთა სამინისტრომ რუსული კომპანიების, ოლიგარქებისა და ჩინოვნიკების წინააღმდეგ ახალი სანქიეციები შეიმუშავა.

გაიგეთ მეტი: