დღეს იუსტიციის უმაღლეს საბჭოში მოსამართლეობის კანდიდატების კენჭისყრის შედეგად, რუსთავი 2-ის საქმის მოსამართლე, თამაზ ურთმელიძე მოსამართლედ არ აირჩიეს.

თამაზ ურთმელიძემ საქალაქო სასამართლოს სამოქალაქო საქმეთა კოლეგიაში არსებული 10 ვაკანტური ადგილიდან ვერცერთი დაიმსახურა, რადგან მას მხოლოდ 4-მა წევრმა დაუჭირა მხარი.

იუსტიციის უმაღლეს საბჭოში მიმდინარე კენჭისყრის პარალელურად საბჭოს შენობასთან ადვოკატთა ასოციაციის წევრებმა აქცია გამართეს, რომლის მონაწილეები თამაზ ურთმელიძის, ჯემალ კოპალიანის, მამია ფხაკაძის, გიორგი ჩემიას, მერაბ გაბინაშვილისა და თამარ ალანიას დანიშვნას აპროტესტებდნენ.

თამაზ ურთმელიძე რუსთავი 2-ის საქმეს განიხილავდა და სწორედ მან მიაკუთვნა რუსთავი 2-ის წილების 100% ქიბარ ხალვაშს.

ურთმელიძე იუსტიციის უმაღლეს საბჭოში 1997 წლიდან სხვადასხვა თანამდებობას იკავებდა. 2006-2009 წლებში მოსამართლის უფლებამოსილებას ახორციელებდა თბილისის სააპელაციო სასამართლოში, 2010 წლის 1 ნოემბრიდან მუშაობდა თბილისის საქალაქო სასამართლოს სამოქალაქო საქმეთა კოლეგიაში.

ურთმელიძეს მოსამართლეობის უფლებამოსილება 16 მაისს შეუწყდა.