2017 წელს საქართველოში უძრავი ქონების ბაზარი მნიშვნელოვნად გააქტიურდა და წლიური ზრდის მაჩვენებელმა 10,6 პროცენტი შეადგინა. ამის შესახებ უძრავი ქონების ბაზრის წლიურ ანგარიშშია ნათქვამი.

ანგარიშში ვკითხულობთ, რომ 2017 წელს 98 609 ერთეული უძრავი ქონება გაიყიდა.

"2017 წელს დედაქალაქში უძრავი ქონებით ვაჭრობის 39 801 გარიგება დაფიქ­სირ­და, რაც 15,6 პროცენტით აღემატება წინა წლის მაჩვენებელს", - ნათქვამია ანგარიშში.

თბილისის გარეთ უძრავი ქონების ბაზარზე აქტიურობა გაიზარდა. ანგარიშში ნათქვამია, რომ განსაკუთრებით გააქტიურდა აჭარის, მცხეთა-მთიანეთისა და ქვემო ქართლის რეგიონები.

კვლევის მიხედვით, 2017 წელს დედაქალაქის რაიონებს შორის უძრავი ქონების ბაზარზე კვლავ საბურთალო, ვაკე და სამ­გო­რი ლიდერობს.

"საბურთალოზე უძრავი ქონებით განხორცილებული ოპერაციები დაახლოებით, 1,4-ჯერ აღემატება ვაკეში, ხოლო 2,5-ჯერ – სამგორში დადებულ გარიგებებს.