თიბისი ბანკის სამეთვალყურეო საბჭოს თავმჯდომარე, მამუკა ხაზარაძე ამბობს, რომ რეგიონის ბანკებში ყველაზე დაბალი საპროცენტო განაკვეთი საქართველოშია. ასე უპასუხა მამუკა ხაზარაძემ Busssines Medias-სთან ინტერვიუში მამუკა ბახტაძეს, საქართველოს ფინანსთა მინისტრს, რომელიც ქართული ბანკების მაღალ პროცენტებზე საუბრობდა.

"ჩვენი დაფინანსებული კომპანიების საპროცენტო განაკვეთები ხშირად უფრო დაბალია ვიდრე, საერთაშორისო საფინანსო ინსტიტუტების მიერ გაცემული კრედიტები ქართული კომპანიებისთვის", - ამბობს ხაზარაძე ინტერვიუში.

მისი თქმით, საბანკო სისტემა არ არის საინვესტიციო ინსტიტუტი და არ მოეთხოვება ყველაფრის დაფინანსება. მისი განმარტებით, მათი ბანკის საპროცენტო განაკვეთი ბოლო წლების განმავლობაში მუდმივად იკლებს.

ფინანსთა მინისტრმა გუშინ, 12 აპრილს განაცხადა, რომ საქართველოში ბანკების საპროცესო განაკვეთები არ იძლევა ბიზნესის დაწყების შანსს. მისივე თქმით, საქართველოს საბანკო სისტემა არ უნდა იყო ეკონომიკის განვითარების მუხრუჭი და პირიქით, მამოძრავებელი მთავარი ძალა უნდა იყოს.