m²-სა და ცენტრ პოინტს შორის მემორანდუმი გაფორმდა, რომლის მიხედვითაც m² ცენტრ პოინტს ექვსთვიან ვადას აძლევს და გარკვეულ წინა პირობებს უყენებს.

"თავისუფალი ტერიტორიები, რომელზეც ცენტრ პოინტს არ დაუწყია მშენებლობა ან არ აპირებდა აშენებას, უნდა გაიმიჯნოს პრობლემური მიწისგან და გადმოეცეს m²-ს. რის სანაცვლოდაც m² კისრულობს ვალდებულებას დაასრულოს ცენტრ-პოინტის ყველა დაუსრულებელი მშენებლობა", - განუცხადა რუსთავი 2-ს კომპანია m²-ის გენერალურმა დირექტორმა ირაკლი ბურდულაძემ

ამ წინა პირობების შესრულების შემთხვევაში m² მზად იქნება დაასრულოს შეჩერებული მშენებლობები 3 წლის ვადაში. სანაცვლოდ კი ცენტრ პოინტი m²-ს გადასცემს მის საკუთრებაში არსებულ თავისუფალ უძრავ ქონებას.