ფეისბუქმა დაადასტურა, რომ პოლიტიკურმა საკონსულტაციო კომპანიამ, კემბრიჯ ანალიტიკა, მისი 87 მილიონამდე მომხმარებლის ინფორმაცია უკანონოდ ჩაიგდო ხელში.

კომპანია მიუთითებს იმაზეც, რომ ზოგიერთი მონაცემი აშშ-ს ფარგლებს გარეთ დაფუძნებულ ადამიანებსაც შეეხებოდა. BBC-ის ცნობით, ერთი მილიონი დიდ ბრიტანეთში მცხოვრები იყო.

ამის შესახებ ინფორმაცია დღეს, ტექნოლოგიის უფროსმა ოფიცერმა, მაიკ შრუფნერმა გამოაქვეყნა. კომპანიამ განცხადება მას შემდეგ გაავრცელა, რაც აშშ-ს კონგრესმა განაცხადა, რომ ფეისბუქის დამფუძნებელი, მარკ ცუკერბერგი 11 აპრილამდე უნდა დაკითხონ.

კემბრიჯ ანალიტიკას ფეისბუქის მეშვეობით მილიონობით მომხმარებლის პირადი მონაცემების მოპოვებასა და შემდგომ პოლიტიკური მიზნებისთვის გამოყენებაში ადანაშაულებენ. კომპანია მონაცემთა გადამუშავებით საარჩევნო პროცესებისთვის სტრატეგიული კომუნიკაციების შექმნაში მონაწილეობს.

ამავე თემაზე: