რუსეთის ფოსტამ ამანათის დრონით მიწოდება პირველად სცადა, თუმცა აფრენიდან ორიოდე წუთში დრონი უახლოეს შენობას შეეჯახა და დაიმტვრა.

გაფრენის საზეიმო ცერემონიას რუსეთის ფოსტის დირექტორი და ბურატიის რესპუბლიკის ლიდერი ესწრებოდნენ:

"ძალიან მიხარია, რომ დღეს გავუშვებთ პროექტს, რომელიც წარმატებული უნდა გახდეს", - განცხადა რუსეთის ფოსტის დირექტორმა.

მას შემდეგ, რაც დრონი ჩამოვარდა, განაცხადეს, რომ აპარატი სახლებში დამონტაჟებულმა Wi-Fi-მ "დააბნია". დრონს ამანათი ულან-უდედან ქვედა საიანტუნში უნდა მიეწოდებინა. ქალაქებს შორის დაშორება 15 კილომეტრია. ადგილობრივი გამოცემები წერენ, რომ დრონის ჩამოვარდნისას არავინ დაშავებულა. რუსეთის ფოსტას დრონი 1,2 მილიონი რუბლი (21 ათასი დოლარი) დაუჯდა.