საქართველოს პარლამენტის თავმჯდომარე, ირაკლი კობახიძე ამბობს, რომ საქართველოდან რუსი დიპლომატის გაძევებისას იხელმძღვანელეს ქვეყნის ინტერესებიდან გამომდინარე. მისი თქმით, ქვეყანა სოლიდარობას უცხადებს ქვეყნის სტრატეგიულ პარტნიორებს და ამ გარემოების გათვალისწინებით იღებს გადაწყვეტილებებს.

"ჩვენთვის მთავრი არის, რომ ვიმოქმედოთ სწორად და პრინციპების საფუძველზე. ჩვენ გვაქვს მყარად ჩამოყალიბებული პრინციპები საგარეო პოლიტიკაში და ჩვენი ყოველი გადაწყვეტილება ეფუძნება ამ პრინციპებს", - თქვა პარლამენტის თავმჯდომარემ.

29 მარტს საქართველოს საგარეო საქმეთა სამინისტრო დაგმო გაერთიანებულ სამეფოში ქიმიური იარაღის გამოყენების შემთხვევა, შეუერთდა საერთაშორისო საზოგადოების პოზიციას და ქვეყნიდან ერთ რუს დიპლომატის გაძევების გადაწყვეტილება მიიღო.

ყოფილი რუსი ჯაშუში სერგეი სკრიპალი და მისი შვილი იულია, ბრიტანეთის ქალაქ სოლსბერიში 4 მარტს ნერვო-პარალეპტიკური ნივთიერებით მოწამლეს. ისინი ამ დრომდე საავადმყოფოში არიან.

ამავე თემაზე: