ათენში ქართული დანაშაულებრივი დაჯგუფების 4 წევრი დააკავეს, რომლებსაც 200-მდე ბინის გაქურდვა ედებათ ბრალად. ამის შესახებ შინაგან საქმეთა სამინისტროს ბრიფინგზე გახდა ცნობილი.

უწყების განცხადებით, ბრალდებულებს კავშირი ჰქონდათ ე.წ. კანონიერ ქურდთან. უწყებაში ამბობენ, რომ სამართალდამცველებმა ოთხივე პირის საცხოვრებელი სახლებისა და ავტომობილების ჩხრეკისას სხვადასხვა ტიპის ცეცხლსასროლი იარაღი, ფული და მოპარული ნივთები ნივთმტკიცებად ამოიღეს.

ბრალდებულებს ბრალი საბერძნეთის სისხლის სამართლის კოდექსით წარედგინათ ორგანიზებული დანაშაულებრივი ჯგუფის ჩამოყალიბების, ჯგუფურად არაერთგზის ქურდობის, ფულის გათეთრებისა და ცეცხლსასროლი იარაღის მართლსაწინააღმდეგო შეძენა-შენახვისათვის. დანაშაულის დამტკიცების შემთხვევაში მათ 20 წლამდე ვადით თავისუფლებას აღკვეთა ემუქრებათ.