სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, სამსახურებრივი გულგრილობის ბრალდებით დანაშაულში ამხილეს, მათ შორის არიან:

  • გურჯაანის მუნიციპალიტეტის მერიის ინფრასტრუქტურის, სივრცითი მოწყობის, არქიტექტურისა და ძეგლთა დაცვის სამსახურის უფროსი ნოდარ შ.;
  • ამავე სამსახურის ინფრასტრუქტურის განყოფილების უფროსი თეიმურაზ ბ.;
  • განყოფილების მშენებლობის მე-3 რანგის პირველი კატეგორიის უფროსი სპეციალისტი გიორგი ა.;
  • გურჯაანის მუნიციპალიტეტის მერიის იურიდიული სამსახურის ზედამხედველობისა და ადგილობრივი მოსაკრებლების ადმინისტრირების განყოფილების მე-3 რანგის პირველი კატეგორიის უფროსი სპეციალისტი ივანე ქ.;
  • გურჯაანის მუნიციპალიტეტის გამგებლის ყოფილი პირველი მოადგილე დიმიტრი კ.;
  • გურჯაანის მუნიციპალიტეტის გამგებლის ზედამხედველობის სამსახურის ყოფილი უფროსი დურმიშხან ა;
  • გურჯაანის მუნიციპალიტეტის გამგებლის ყოფილი წარმომადგენელი ადმინისტრაციულ ერთეულში დიმიტრი ა.

საქმის დეტალები

2017 წელს გურჯაანის მუნიციპალიტეტის გამგეობასა და შპს მოხელეს შორის გაფორმდა ხელშეკრულება გურჯაანში.

შეთანხმება ეხებოდა სარაჯიშვილის ქუჩაზე მდებარე მუნიციპალიტეტის საკუთრებაში არსებული შენობა-ნაგებობის რეაბილიტაციისა და ეზოს კეთილმოწყობის სამუშაოების შესრულებას, საერთო ღირებულებით 44 849, 98 ლარი.

გამგებლის ბრძანებით, სამუშაოების შესრულებაზე ზედამხედველობა კომისიას დაევალა შემდეგი შემადგენლობით: კომისიის თავმჯდომარე დიმიტრი კ, კომისიის წევრები: ნოდარ შ, დურმიშხან ა, თეიმურაზ ბ, გიორგი ა, ივანე ქ. და დიმიტრი ა.

გამოძიების ვერსიით, შპს მოხელემ ხელშეკრულების ფარგლებში შესასრულებელი 44 849,98 ლარის ღირებულების სამუშაოების ნაცვლად, ფაქტობრივად შეასრულა 29 048, 11 ლარის სამუშაოები.

არასრულყოფილად შესრულებული სამუშაოების მიუხედავად, შეადგინეს ყალბი ინფორმაციის შემცველი ფორმა #2-ები საერთო ღირებულებით 43 351,07 ლარი, რაც წარადგინა გურჯაანის მუნიციპალიტეტში.

ბრალდების მხარის განცხადებით, დოკუმენტაციის წარდგენის შემდეგ კომისიის წევრებმა არაჯეროვნად შეასრულეს სამსახურებრივი მოვალეობა: სათანადოდ არ გამოიკვლიეს შესრულებული სამუშაოები და შეადგინეს დასკვნები.

სუს-ის განცხადებით, სამუშაოები შესრულებულია წარდგენილი ხარჯთაღრიცხვისა და ფორმა #2-ის შესაბამისად, რის საფუძველზეც სამუშაოების მიღება-ჩაბარება გამგებლა გააფორმა.

სუს-ის ცნობით, ბრალდებულები მოტყუებით დაეუფლნენ და მართლსაწინააღმდეგოდ მიისაკუთრეს გურჯაანის მუნიციპალიტეტის გამგეობის კუთვნილი დიდი ოდენობით 14 302 96 ლარი.

გამოძიება სამსახურებრივი გულგრილობის ფაქტზე მიმდინარეობს, რაც სასჯელის სახით ითვალისწინებს თავისუფლების აღკვეთას სამ წლამდე ვადით.