TBC Status-ისა და Eastern Promotions-ის 2018 წლის ღონისძიების შავი ზღვის და თბილისის ჯაზფესტივალის შემსრულებლების სია ცნობილია.

2018 წლის, შავი ზღვის რიგით მე-12 ჯაზფესიტვალს როკის ლეგენდა, Led Zeppelin-ის სოლისტი რობერტ პლანტი ეწვევა. მისი კონცერტი 19 ივლისს Black Sea Arena-ზე გაიმართება.

შავი ზღვის ჯაზ ფესტივალის დანარჩენი კონცერტები ბათუმში, ტრადიციულად ჩოგბურთის კლუბში გაიმართება. წლევანდელ ფესტივალს რობერტ გლასპერი, ტეილორ მაქფერინი, ქრისტიან სკოტი, ტერას მარტინი და სხვა შემსრულებლები ეწვევიან.

შავი ზღვის ჯაფესიტვალზე ბილეთები რამდენიმე ეტაპად გაიყიდება. გაყიდვა 2 აპრილს 09:00 საათზე დაიწყება. ბილეთების პირველი კალათის ფასი 60 ლარი იქნება. ბილეთების შეძენას ონლაინ, Tkt.ge-ზე შეძლებთ.

შავი ზღვის რიგით მე-12 ჯაზფესტივალი Check in Georgia 20018-ის ფარგლებში გაიმართება.

ჯაზფესტივალის ფარგლებში პირველ სექტემბერს, რუსთავში ბრიტანული ჯგუფი The Chemical Brothers იმღერებს. კონცერტის ბილეთების ფასი 50 ლარიდან დაიწყება.

თბილისის ჯაზფესტივალს 28 აპრილს ჯაზ ტრიო The Bad Plus გახსნის. 29 აპრილს კი მაყურებლის წინაშე ჯგუფი Naturally 7 წარსდგება. Naturally 7 თბილისის კონსერვატორიის სტუდენტებისა და სხვა მსურველებისთვის მასტერკლასს ჩაატარებს.

30 აპრილს ჯაზფესტივალს Miles Electric Band და რავი კოლტრეინი ეწვევა, სწორედ ისინი დახურავენ ფესტივალს.

ორგანიზატორების განცხადებით წელს ჯაზფესტივალი საქართველოს სხვადასხვა ქალაქებში ჩატარდება. კერძოდ, კახეთში, ბათუმში და რუსთავში სხვადასხვა ფორმატის ღონისძიებები გაიმართება.