დღეს 23 მარტს, შიდა ქართლში ე.წ. საზღვრის უკანონო კვეთის ბრალდებით დაკავებული ორი პირი, იოსებ გუნდიშვილი და დავით გერკეული გაათავისუფლეს. ამის შესახებ ინფორმაცია On.ge-ს სახელმწიფო უსაფრთხოების სამსახურშიც დაუდასტურეს.

დღეს, მათ საქმეზე ცხინვალის ე.წ. სასამართლოში გაიმართა პროცესი. შედეგად მათ 2000 რუბლის ოდენობით ჯარიმის გადახდა დაეკისრათ.

საოკუპაციო ძალების წარმომადგენლებმა ისინი გუშინ, 22 მარტს ახალუბანთან მოსაზღვრე სოფელ აძვში მდებარე სოფლის ეკლესიასთან დააკავეს. იოსებ გუნდიშვილი და დავით გერკეული სოფლის სალოცავთან მიდიოდნენ, რა დროსაც რუსმა სამხედროებმა აიყვანეს.

სოფელი აძვი გორიდან 22 კილომეტრში, ახალუბნის თემში, შიდა ქართლის ვაკეზე მდებარეობს.