როგორ მოიქცევით, თუ ტაქსით მგზავრობისას მძღოლი გთავაზობთ, რომ თქვენთვის საყვარელი ნაკრების თამაშს სტადიონზე უყუროთ? ერთი შეხედვით, ამ შემოთავაზებაში უჩვეულო არაფერია, თუ არ ჩავთვლით იმას, რომ სტადიონი 4 000 კილომეტრის დაშორებით მდებარეობს და თამაშამდე სულ რაღაც 12 საათია დარჩენილი. თუმცა, ეს უჩვეულო შეთავაზება ნატახტრის ახალ ვიდეოში ერთადერთი სიურპრიზი არ არის. სიურპრიზების სიმრავლით გამორჩეული ვიდეოს ამოსავალი წერტილი, ნატახტარის მიერ რაგბის ნამდვილი ქომაგების აღმოჩენა და მათი დაჯილდოება გახლავთ.

"გულშემატკივარი სპორტის ნებისმიერი სახეობის მნიშვნელოვანი ნაწილია. შესაბამისად, სპორტსმენებთან ერთად, ზოგჯერ მათაც სჭირდებათ გარკვეული მხარდაჭერა იმისათვის, რომ საყვარელ გუნდს ბოლომდე უქომაგონ. ნატახტარმა გადაწყვიტა, ხელი შეუწყოს გულშემატკივრებს ქომაგობაში, რისი ერთ-ერთი მაგალითიც სწორედ ეს ამბავია" - ნატახტარის უფროსი ბრენდმენეჯერი – ანა ქარჩავა