აშშ-ს ელჩმა, იან კელიმ ცხინვალში დაღუპულ არჩილ ტატუნაშვილზე ჟურნალისტებთან საუბრისას თქვა, რომ ისინი კონტაქტობენ რუსეთის ხელისუფლებასთან და მოუწოდებენ მათ, რომ ცხედარი რაც შეიძლება მალე დაუბრუნონ ოჯახს.

იან კელის კომენტარის ქართულენოვან თარგმანს ტელეკომპანია რუსთავი 2 ავრცელებს:

"მხარს ვუჭერთ საქართველოს მთავრობას ძალისხმევა, რომ ეს საკითხი გადაჭრას. შედგა საუბარი სახელმწიფო მდივნის მოადგილესა და საქართველოს პრემიერ-მინისტრს შორის, სადაც ხაზი გაესვა საქართველოს დამოუკიდებლობისა და ტერიტორიული მთლიანობის მხარდაჭერას. ჩართული ვართ სხვადასხვა დიპლომატიური არხებით".

აშშ-ის ელჩმა არჩილ ტატუნაშვილის შესახებ რეზოლუციაზეც ისაუბრა და აღნიშნა, რომ მნიშვნელოვანია პარლამენტში ორპარტიული დოკუმენტი მიიღონ:

"როცა დანაშაულია ჩადენილი და ამაზე პასუხისმგებლობა არ დამდგარა, ჯერ ოთხოზორიას, შემდეგ კი ტატუნაშვილის საქმეში, პასუხისმგებლობა უნდა დადგეს. აშშ-ში მსგავსი სია არის, რომელსაც "მაგნისკის სიას" ვუწოდებთ. არის გაურკვეული სანქციების ჩამონათვალი რომელიც მაგნისკის მკვლელობას უკავშირდება".

არჩილ ტატუნაშვილის საქმესთან დაკავშირებით პარლამენტში რეზოლუციის ორ პროექტს განიხილავენ.

რეზოლუციის შექმნის და "ოთხზორია-ტატუნაშვილის სიის" შექმნის იდეა ევროპული საქართველოს ერთ-ერთ ლიდერს, სერგი კაპანაძეს ეკუთვნის.იდეას მხარი დაუჭირა მმართველმა პარტიამაც და პარლამენტში რეზოლუციის საკუთარი ვერსია დაარეგისტრირა.

მიუხედავად ამისა, რეზოლუციის შინაარსთან დაკავშირებით საპარლამენტო უმცირესობა და მმართველი პარტია ვერ თანხმდებიან.

ნახეთ, რა განსხვავებაა ქართული ოცნებისა და ევროპული საქართველოს რეზოლუციის ტექსტებში