ჩრდილოეთ კორეის ლიდერმა, კიმ ჩენ ინმა განაცხადა, რომ ისინი მზად არიან შეწყვიტონ ბირთვული იარაღის გამოცდა და განიარაღება დაიწყონ, თუ ვაშინგტონი ფხენიანის უსაფრთხოებას უზრუნველყოფს, წერს The New York Times. ინფორმაცია ამის შესახებ სამხრეთ კორეის ოფიციალურმა პირებმა გაავრცელეს.

მანამდე, კიმ ჩენ ინი სამხრეთ კორეის დელეგაციას შეხვდა. სეულის ოფიციალური პირები ფხენიანში ორი დღის განმავლობაში იმყოფებოდნენ. სამხრეთ კორეამ ფხენიანში მოლაპარაკებებისთვის თავისი წარმომადგენელი ბოლო ათი წლის განმავლობაში პირველად გააგზავნა.

კიმ ჩენ ინის განცხადებით, ჩრდილოეთ კორეა ურთიერთობების დასალაგებლად მზადაა. The New York Times წყაროზე დაყრდნობით წერს, რომ კიმ ჩენ ინისა და სამხრეთ კორესი პრეზიდენტის, მუნ ჩე ინიც შეხვედრაც იგეგმება, რომელიც, სავარაუდოდ, აპრილში გაიმართება.

ჩრხილოეთ კორეის პირველი პირის განცხადებას გამოეხმაურა აშშ-ის პრეზიდენტი, დონალდ ტრამპი:

"ჩრდილოეთ კორეასთან მოლაპარაკებების სავარაუდო პროგრესი. პირველად მრავალი წლის განმავლობაში ყველა დაინტერესებული მხარე ძალისხმევას არ იშურებს. მსოფლიო თვალს ადევნებს და ელოდება! შესაძლოა ცრუ იმედი აღმოჩნდეს, მაგრამ აშშ მზადა ყველა მიმართულებით იმოქმედოს".