გარემოს ეროვნული სააგენტოს ცნობით, დასავლეთ საქართველოს მდინარეთა ქვემო წელში წყლის დონეების მატება 6 მარტის შუადღემდე გაგრძელდება. მათივე ინფორმაციით, წყლის დონეების საშიშ ნიშნულებამდე აწევა მოსალოდნელი არ არის.

გარემოს სააგენტოს მონაცემების თანახმად, 5 მარტის დილის საათებიდან დასავლეთ საქართველოს მდინარეებზე, განსაკუთრებით მდინარე რიონის აუზში წყლის დონემ მნიშვნელოვნად მოიმატა, რაც მოსული ძლიერი ნალექებითაა გამოწვეული.

6 მარტის დღის მეორე ნახევრიდან, ნალექების ინტენსივობის შესუსტების გამო, დასავლეთ საქართველოს მდინარეებზე წყლის დონეები ეტაპობრივად დაიწევს.