ევროპული საქართველოს ხონისა და ვანის მაჟორიტარი დპუტატობის კანდიდატის გიგი უგულავა ამბობს, რომ ენერგო-პრო ჯორჯიას ვანის რაიონის უბნის მენეჯერი და ქართული ოცნების საკრებულოს დეპუტატი შალვა ლორთქიფანიძე ბელთაძეების ოჯახს მასთან გადაღებული ფოტოს გამო ემუქრება. ამის შესახებ უგულავამ პრესკონფერენციაზე ისაუბრა.

ფოტო: ევროპული საქართველო

მისი თქმით, ენერგო-პრო ჯორჯიას თანამშრომელი თანამდებობას პოლიტიკური მიზნებისთვის იყენებს და 3 500-ლარია ჯარიმის გამოწერით ემუქრება მოქალაქეს.

"ქართული ოცნება რა პოლიტიკური პარტია და ორგანიზაციაა სულ ბოლოს მოსახლეობამ ბორჯომშიც ნახა და მას ჩვენ პოლიტიკურად აუცილებლად გავუმკლავდებით, მაგრამ მე აქ საქმე მაქვს ჩეხურ კომპანიასთან ენერგო-პრო ჯორჯიასთან", - განაცხადა უგულავამ.

ენერგო-პრო ჯორჯიაში უარყოფენ მსგავს შემთხვევას და აღნიშნავენ, რომ პოლიტიკურ მოვლენებში ჩართულები არ არიან. On.ge ცდილობს ქართული ოცნებიდანაც ამ საკითხზე კომენტარის მიღებას.