დღეს, პირველ მარტს აბანოთუბანში საიუველირო მაღაზია დააყაჩაღეს. ინფორმაცია On.ge-ს შინაგან საქმეთა სამინისტროში დაუდასტურეს.

როგორც მაღაზიის წარმომადგენელმა ტელეკომპანია იმედს უთხრა, დამნაშავე პირი იარაღით შევიდა და სამი ვიტრინა გაიტანა. მისივე თქმით, დამნაშავე კამერებმა დააფიქსირა.

შსს-ს ცნობით, საქმეზე დაწყებულია გამოძიება სისხლის სამართლის კოდექსის 179-ე მუხლით, რაც ყაჩაღობას გულისხმობს.