28 თებერვალს, ღამით, ერევანში ტრანსგენდერ ქალს სცემეს და მის ნაქირავებ ბინას ცეცხლი წაუკიდეს. ინფორმაციას სომხური გამოცემა Epress.am ავრცელებს. გამოცემის თქმით, ინციდენტის შესახებ ტრანსგენდერი ქალის უფლებების დამცველი ორგანიზაცია უფლებების მხარის ხელმძრვანელმა, ლილიტ მარტიროსიანმა უამბო.

"მას თავს დაესხნენ, სცემეს, ნეკნები ჩაუმტვრიეს და სახე დაუზიანეს. ექიმები მის მდგომარეობას მძიმედ აფასებენ", - ამბობს მარტიროსიანი. ორგანიზაციამ პოლიციას უკვე მიმართა.

ორგანიზაციის იურისტის თქმით, თავდამსხმელის ვინაობა ცნობილია და ის გაქცეული არაა. მისივე თქმით, ის ჯერ კიდევ არ დაუკავებიათ. დაზარალებულისთვის ჩვენების ჩამორთმევა ვერ მოხერხდა, რადგან გონს მოსვლის მიუხედავად საუბარი არ შეუძლია.