"მწარე კანფეტები" კრებულია, რომელშიც ქართველი ქალი მწერლების მიერ სხვადასხვა დროს დაწერილი მოთხრობებია შესული. კრებული გერმანიაში გამომცემლობა Edition Fünf-მა გამოსცა და მას ერთ-ერთი ავტორის, ირმა ტაველიძის მოთხრობის სათაური ჰქვია.

ანთოლოგიაში შესულია ლია ლიქოკელის, მარი ბექაურის, ნესტან-ნენე კვინიკაძის, ქეთინო ბაჩიას, ნინო ხარატიშვილის, ანა კორძაია-სამადაშვილის, თამთა მელაშვილის, რუსუდან რუხაძის, ნინო სადღობელაშვილის, ნინო თარხნიშვილის, ირმა ტაველიძის, ანინა ტეფნაძისა და თეა თოფურიას მოთხრობები.

ეს ავტორები თავად გამომცემელმა, სილკე ვენიგერმა და რედაქტორმა რახელ გრატზფელდტმა შეარჩიეს. ქართველი ქალი მწერლების მიერ დაწერილი მოთხრობები ქართველმა და გერმანელმა მთარგმნელებმა თარგმნეს.

"მწარე კანფეტები" გერმანიაში 22 ევრო ეღირება.