თბილისის მერის, კახა კალაძის თქმით, დამწვარი სავაჭრო ცენტრის, თერგის რეაბილიტაცია საგამოძიებო სამუშაოების დასრულების შემდეგ დაიწყება. ამის შესახებ მერმა თბილისის მთავრობის სხდომაზე ისაუბრა.

"დაზარალებულია ორივე მხარე, როგორც მოიჯარეები ასევე სავაჭრო ცენტრის მფლობელები... იმ ადამიანებს, ვისაც გადაურჩა საქონელი, სავაჭრო ცენტრის ადმინისტრაცია სთავაზობს ალტერნატიულ ფართებს, რათა დამწვარი ცენტრის აღდგენამდე შეუფერხებლად განაგრძონ საქმიანობა", - თქვა კალაძემ.

თბილისში, სავაჭრო ცენტრ თერგში ხანძარი გვიან ღამით გაჩნდა. ცეცხლს 30-ზე მეტი სახანძრო მანქანაა აქრობდა. საგანგებო სიტუაციების მართვის სამსახურის ინფორმაციით, დამწვარია 3 000 მ2-მდე ტერიტორია. შსს-მ აღნიშნულ ფაქტზე გამოძიება უკვე დაიწყო.