ევროკავშირის სპეციალური წარმომადგენელი სამხრეთ კავკასიაში, ტოივო კლაარი ოკუპირებულ ცხინვალში საქართველოს მოქალაქის, არჩილ ტატუნაშვილის დაღუპვას ეხმაურება.

ტვიტერის საკუთარ გვერდზე ის წერს, რომ ინციდენტების პრევენციისა და მათზე რეაგირების მექანიზმის მომდევნო შეხვედრა შესაფერისი ფორმატია ფაქტების დასადგენად:

"ძალიან შეშფოთებული ვარ ცხინვალში, ციხეში საქართველოს მოქალაქის, არჩილ ტატუნაშვილის დაღუპვის გამო. საქართველოში ევროკავშირის სადამკვირვებლო მისიამ "ცხელი ხაზი" უკვე აამოქმედა".

22 თებერვალს ცხინვალის ციხეში საქართველოს მოქალაქე გარდაიცვალა. ოსური მხარის განცხადებით, არჩილ ტატუნაშვილმა იზოლატორში გადაყვანისას პოლიციელისთვის იარაღის წართმევა სცადა, საპასუხო ძალის გამოყენების შედეგად შეუძლოდ გახდა, კიბეებზე წაიქცა და მოგვიანებით საავადმყოფოში დაიღუპა.