საქართველოს საგარეო საქმეთა მინისტრმა, მიხეილ ჯანელიძემ განაცხადა, რომ მარტის დასაწყისში გერმანიის შინაგან საქმეთა სამინისტროს დელეგაცია საქართველოს ესტუმრება:

"როგორც კი ჩვენს პარტნიორ ქვეყნებში გაჩნდა კითხვები ვიზალიბერალიზაციის პირობების დაზღვევასთან დაკავშირებით და გარკვეულწილად გაიზარდა სტატისტიკა, მყისიერად დავიწყეთ შესაბამისი ნაბიჯების გადადგმა".

ჯანელიძის თქმით, საქართველოში გერმანიის მთავრობის შესაბამისი უწყების წარმომადგენლები, იმ ნაბიჯების განსახილველად ჩამოვლენ, რომ შეჩერების მექანიზმის გამოყენება დღის წესრიგში არ დადგეს.

ამის შესახებ მიხეილ ჯანელიძემ ჟურნალისტებთან საუბრისას განაცხადა და კიდევ ერთხელ შეაფასა გერმანიისა და ევროპის სხვა სახელწმიფოების პროგრამები, რომელიც მათ ტერიტორიაზე მყოფ უცხო ქვეყნის მოქალაქეებს სამშობლოში დაბრუნებას სთავაზობენ.

მინისტრმა საქართველოს მოქალაქეებს მოუწოდა, რომ ისარგებლონ ვიზალიბერალიზაციის მხოლოდ დაშვებული პირობებით.