თბილისის მერია აცხადებს, რომ კომპანია შპს ელფი თბილისის ბაგა-ბაღებს იმაზე ნაკლებად ხარისიხიან ყველსა და კარაქს აწვდიდა, ვიდრე ხელშეკრულებით იყო გათვალისწინებული.

ხელშეკრულებით ნაკისრი ვალდებულებების უხარისხოდ და არაჯეროვნად შესრულების გამო, თბილისის საბავშვო ბაგა-ბაღებს მიეცათ მითითება, მიმართონ შესაბამის ბანკს და საბანკო გარანტიით გათვალისწინებული თანხა გამოითხოვონ, რაც ჯამში 409 ათასი ლარია:

"კომპანიას არ დაუბრუნდება საბანკო გარანტიით გათვალისწინებული თანხა, რაც ჯამური თანხის 3%-ს შეადგენს და ის მთლიანად ჩაირიცხება საბავშვო ბაგა-ბაღების საბანკო ანგარიშზე."

თბილისის მერიის ინფორმაციით, შპს ელფი მომსახურებას თბილისის 171 ბაგა-ბაღს 2017 წლის 18 სექტემბრიდან 22 დეკემბრის ჩათვლით უწევდა.