აშშ-ის ელჩი საქართველოში, იან კელიმ თავის გამოსამშვიდობებელ სიტყვაში საქართველოში არსებულ მედიაგარემოზე ისაუბრა. მან აღნიშნა, რომ დემოკრატიის შესანარჩუნებლად აუცილებელია მედია გარეშე ზემოქმედებისგან იყოს დაცული:

"არ უნდა დავუშვათ მედიის დაშინება ან სხვაგვარად ალტერნატიული მოსაზრების ჩახშობა. არავინ არ უნდა ხელყოს ხალხის უფლება ხელი მიუწვდებოდეს ინფორმაციაზე და უზრუნველყოფდეს საკუთარი არჩეული ლიდერების ანგარიშვალდებულებას."

იან კელის თქმით, საქართველოს უნდა განავითაროს და დაიცვას თავისუფალი და პლურალისტური მედია.

"მედია საკითხებთან მიმართებაში მთავრობას აკისრია ფუნქცია განავითაროს ძლიერი სტრატეგიული კომუნიკაცია."

იან კელი 33-წლიან დიპლომატიურ კარიერას ასრულებს. ამის შესახებ მან დღეს, 22 თებერვალს გამართულ გამოსამშვიდობებელ შეხვედრაზე განაცხადა. იან კელი აშშ-ის ელჩი საქართველოში 2015 წელს გახდა.