ხვალ საქართველოში აშშ-ს სახელმწიფო მდივანს, ჯონ კერის ელოდებიან. ვიზიტის ფარგლებში კერი მონაწილეობას მიიღებს ქართულ-ამერიკული სტრატეგიული ქარტიის სხდომაში. გარდა ამისა, ის შეხვდება საქართველოს პრეზიდენტს, პრემიერმინისტრსა და საგარეო საქმეთა მინისტრს.

შეხვედრებზე განხილვის მთავარი საკითხი საქართელოს უსაფრთხოება, ქვეყნის ევროინტეგრაცია, წინასაარჩევნოდ თანაბარი გარემოს შექმნა და მედია პლურალიზმთან დაკავშირებული თემები იქნება.

როგორც რამდენიმე დღის წინ შეერთებულ შტატებში საქართველოს ელჩმა, არჩილ გეგეშიძემ განმარტა ამგვარი ვიზიტი ყოველთვის მოიცავს საკითხების ძალიან ფართო წრეს, როგორც თავდაცვისა და უსაფრთხოების კუთხით, ისე პოლიტიკური ურთიერთობის გასაღრმავებლადაც.