ლატვიის ცენტრალური ბანკის პრეზიდენტი, ილმარს რიმსევიჩსი ქვეყნის ანტიკორუფციულმა სააგენტომ დააკავა. ინფორმაციას BBC ავრცელებს.

რიმსევიჩსის სახლსა და ოფისებში რეიდები ჩაატარეს, თუმცა ლატვიის კორუფციის პრევენციის ბიურო გამოძიების დეტალებზე არ საუბრობს.

ლატვიის პრემიერმინიტრმა მარის კუჩინსკისმა 19 თებერვალს მთავრობის რიგგარეშე სხდომა მოიწვია, თუმცა განაცხადა, რომ ერვონული საფრთხის ნიშნები არ ჩანს.

"ლატვიის ფინანსური სისტემისთვის საფრთხის შემცველი ნიშნები არ ჩანს", - განაცხადა პრემიერმა.

ლატვიის ბანკმა გამოძიებასთან დაკავშირებით კომენტარი არ გააკეთა, თუმცა თქვა, რომ ემხრობა "ნულოვანი ტოლერანტულობის პოლიტიკას კორუფციისა და სხვა უკანონო საქმიანობის მიმართ".

გასული რამდენიმე თვის განმავლობაში ლატვიაში გამოძიება რამდენიმე ბანკთან დაკავშირებით დაიწყო. 2017 წლის ივლისში, ორი ბანკი დაჯარიმდა იმის გამო, რომ კლიენტებს საერთაშორისო სანქციების მიუხედავად ჩრდილოეთ კორეაში ფულადი გადარიცხვების უფლებას აძლევდნენ.

დაკავებული რიმსევიჩსი ევროპის ცენტრალური ბანკის საბჭოს წევრიცაა. 2014 წლის პირველ იანვარს ლატვია ევროზონის მე-18 წევრი გახდა.