თბილისის საქალაქო სასამართლომ არ დააკმაყოფილა ბრალდების მხარის შუამდგომლობა, არასრულწლოვანი შვილის თანდასწრებით, ცოლის ცემის ბრალდებით დაკავებული პოლიციელი 5000-ლარიანი გირაოს სანაცვლოდ გაათავისუფლეს.

საქართველოს პროკურატურა აცხადებს, რომ ისინი სასამართლოს განჩინებას სააპელაციო სასამართლოში გაასაჩივრებენ და ბრალდებულისთვის პატიმრობის შეფარდებას მოითხოვენ.

საქართველოს პროკურატურის თანამშრომლებმა ბრალდებული თბილისის საქალაქო სასამართლოს მიერ გაცემული განჩინების საფუძველზე დააკავეს.

გამოძიებით ვერსიით, ბრალდებულმა 2018 წლის 4 იანვარს, არასრულწლოვანი შვილის თანდასწრებით ფიზიკური შეურაცხყოფა მიაყენა ცოლს, რაც სასჯელის სახედ ითვალისწინებს თავისუფლების აღკვეთას ერთიდან სამ წლამდე ვადით.