HBO-ს სერიალში Veep მთავარ როლის შემსრულებელმა ჯულია ლუის-დრეიფუსმა გასული წლის სექტემბერში ინსტაგრამზე საკუთარ გულშემატკივრებს შეატყობინა, რომ მკერდის კიბო აქვს და გადასარჩენად დიდ ბრძოლაში ერთვება.

"რვა ქალიდან ერთს მკერდის კიბო აქვს, დღეიდან მეც ერთი მათგანი ვარ. კარგი ამბავი ის არის, რომ არაჩვეულებრივი ადამიანებით ვარ გარშემორტყმული - მეგობრები და ოჯახი მხარში მიდგას. ასევე მაქვს ფანტასტიკური დაზღვევა. ცუდი ამბავი კი ის არის, რომ ყველა ქალს არ გაუმართლა, ამიტომ მოდი, ვებრძოლოთ ყველა სახის კიბოს და ჯანდაცვაზე საყოველთაო წვდომა რეალობა გავხადოთ", - წერდა მსახიობი.

Veep-ის ვარსკვლავმა ქიმიოთერაპიის კურსი ჩაიტარა, რამდენიმე დღის წინ კი ოპერაციაც გაიკეთა და ინსტაგრამზე თავის გულშემატკივრებს აცნობა, რომ უკვე მზად არის ახალი გამოწვევებისთვის.

"ჰეი, კიბოვ, შენი დედაც", - წერს მსახიობი.

შეგახსენებთ, რომ 2017 წელს, ემის რიგით 69-ე დაჯილდოების ცერემონიალზე ჯულია ლუის-დრეიფუსმა საბოლოოდ დაიდგა გვირგვინი და ტელევიზიის ისტორიაში უპრეცენდენტო გამარჯვება მოიპოვა.