აშშ-ის ხელმძღვანელობით საერთაშორისო კოალიციამ 7 თებერვალს დაირ-ელ-ზავრის რეგიონში ბაშარა ალ ასადის შეიარაღებულ მომხრეებზე ავიაიერიში მიიტანა. მედიაში გავრცელდა ინფორმაცია, რომ იერიშის შედეგად რუსი მებრძოლეებიც დაიღუპნენ, რომლებიც სირიის სამთავრობო ძალების მხარეს იბრძოდნენ.

რუსეთის თავდაცვის სამინისტრო რუსი მებრძოლეების დაღუპვის შესახებ ინფორმაციას უარყოფს. რუსეთის პრეზიდენტის პრესმდივანმა, დიმიტრი პესკოვმა განაცხადა, რომ კრემლს ამის შესახებ დადასტურებული ინფორმაცია არ აქვს.

სხვადასხვა ინფორმაცია ვრცელდება დაღუპულთა რიცხვის შესახებ. Bloomberg და The New York Times წერს, რომ იერიშის შედეგადდ 200-ზე მეტი რუსი მებრძოლი დაიღუპა, ხოლო რუსული გამოცემები კომერსანტი და ნოვაია გაზეტა ათზე მეტ დაღუპულზე მიუთითებს.