მაკდონალდსის მენიუს მთავარი ფლაგმანი, კარტოფილი ფრი, შესაძლოა, არა მხოლოდ შიმშილის, არამედ სიმელოტის წამალიც იყოს.

იოკოჰამას ეროვნული უნივერსიტეტის მკვლევარებმა დიმეთილპოლისილოქსანი, რომელიც ფრიში შემავალი ერთ-ერთი ქიმიური ნივთიერებაა, თაგვებში თმის ახალი ღერების გასაჩენად გამოიყენეს. იგივე ნივთიერება კარტოფილის შეწვისას ზეთს აქაფებისგან იცავს.

მეცნიერებმა დიმეთილპოლისილოქსანი თმის ფოლიკულის ჩანასახებს დაუმატეს, შემდეგ კი უკვე გამზადებული ფოლიკულები თაგვებს ზურგზე გადაუნერგეს. შედეგად, თაგვებს ათასობით ახალი ღერი ამოუვიდათ.

მიუხედავად იმისა, რომ მეთოდი ჯერჯერობით მხოლოდ თაგვებზეა შემოწმებული, მკვლევარები იმედოვნებენ, რომ ეს მნიშვნელოვანი აღმოჩენა ადამიანებსაც დაეხმარება სიმელოტის დამარცხებაში.