დიდი ბრიტანეთის სამეფო ოჯახის შესახებ გადაღებული ნეტფლიქსის დრამა The Crown მესამე სეზონისთვის ემზადება.

შოუს შემქმნელებმა ახალი დედოფალი უკვე იპოვეს, ელიზაბეტ მეორეს როლზე კლერ ფოის სულ მალე ოლივია კოლმანი შეცვლის.

დადასტურდა ისიც, რომ ელიზაბეტის დის, მარგარეტის როლს ლეგენდარული ბრიტანელი მსახიობი ჰელენა ბონემ კარტერი მოირგებს.

დაანონსებული იყო ისიც, რომ ახალ სეზონში ელიზაბეტის ქმრის, პრინც ფილიპის როლს მეთ სმიტის ნაცვლად პოლ ბეთანი შეასრულებდა, თუმცა საბოლოოდ მსახიობმა ეს ინფორმაცია არ დაადასტურა.

The Crown-ის პროდიუსერებმა გაამხილეს ისიც, რომ შოუს მესამე სეზონში პრინცესა დაიანას პერსონაჟიც გამოჩნდება, თუმცა ჯერ-ჯერობით უცნობია თუ ვინ შეასრულებს მის როლს.

როგორც შოუს შემქმნელები ამბობენ, ლედი დის მესამე სეზონის ბოლოს ვიხილავთ, რაც იმის დამადასტურებელია, რომ მომდევნო სეზონები უშუალოდე დიდი ბრიტანეთის დედოფლის, ელიზაბეტისა და ხალხის გულების პრინცესის შესახებ იქნება.

მიუხედავად იმისა, რომ დაიანას როლის შემსრულებელზე ჯერ-ჯერობით ინფორმაცია არ ხმაურდება, გამოცემა Express-მა საკუთარი კანდიდატები დაასახელა.

სოფია ტერნერი

კირა ნაიტლი

სირშა რონანი

როზამუნდ პაიკი

კარა დელევინი

საინტერესოა, ვიხილავთ თუ არა რომელიმე მათგანს პრინცესას როლზე.

როგორც ცნობილია, უკვე დაგეგმილია დრამის ექვსი სეზონი და ის დედოფლის ცხოვრების ყველა ეტაპს შეეხება.