დღეს, ეუთოს საპარლამენტო ასამბლეის პოლიტიკის კომიტეტის სხდომაზე, რუსი დეპუტატების სანქციებთან დაკავშირებით, რუსეთის დელეგაციის ხელმძღვანელმა ნიკოლაი კოვალიოვმა განცხადება გააკეთა.

კოვალიოვი მიიჩნევს, რომ მსგავსი შეზღუდვები დიპლომატიურ ურთიერთობებს უქმნის საფრთხეს, არამხოლოდ რუსეთთან, არამედ სხვა ქვეყნებთან მიმართებაშიც:

„საქმე ეხება საერთაშორისო ღონისძიებებში მონაწილეობას. თუ თითოეული ქვეყანა მიიღებს გადაწყვეტილებას ვინმეს გადაადგილების შეზღუდვაზე, ეს ბოლოს მოუღებს საპარლამენტო დიპლომატიას. უკრაინელებს გულუბრყვილოდ გონიათ, რომ ეს ეხებათ მხოლოდ რუსებს მაგრამ თუ ასეთი შეზღუდვები დაწესდება ხვალ შეიძლება სხვა პარლამენტარებსაც შეეხოთ, მაგალითად აზერბაიჯანმა შეიძლება წინააღმდეგობა გაუწიოს სომეხი პარლამენტარების შესვლას და პირიქით. ეს ხელს შეუშლის დიალოგს და ნებისმიერ ქვეყანას მისცემს საშუალებას, უკარნახოს საერთაშორისო შეხვედრებზე მონაწილეობის შემადგენლობა. ეს კი საერთაშორისო სამართლის უხეში დარღვევაა“.

დღეს, ეუთოს ასამბლეის პოლიტიკის კომიტეტის სხდომაზე, უკრაინის უმაღლესი რადას დეპუტატმა და ეუთოს საპარლამენტო ასამბლეაში უკრაინის დელეგაციის წევრმა ანტონ გერაშენკომ განაცხადა, რომ შვეიცარიის ინიციატივის განხორციელება, რუსეთის 20 დეპუტატისთვის სანქციების მოხსნასთან დაკავშირებით, დაუშვებელია.

რუსულ მხარეს სანქციები არ უნდა მოეხსნას, მან პასუხისმგებლობა უნდა აიღოს - განაცხადა გერაშენკომ.