ტეხასელმა კოსტიუმების დიზაინერმა და მქარგველმა რომი მაკლუსკიმ ერთი შეხედვით ძალიან პატარა, მაგრამ თან მნიშვნელოვანი რამ გააკეთა. მან პეპელას დაზიანებული ფრთა გაუმთელა.

რომის თქმით, მას პეპლების მიმართ ყოველთვის განსაკუთრებული დამოკიდებულება ჰქონდა:

"20 წლის წინ, დედაჩემმა გარდაცვალების წინ მითხრა, "რომი, როდესაც პეპლებს დაინახავ, გაიხსენე რომ შენთან ვარ და მიყვარხარ"" - უთხრა მან ბაზფიდს.

და როდესაც თავის ეზოში, ყვავილების ბუჩქზე მუხლოხოები იპოვა, გადაწყვიტა მათზე ეზრუნა. ზამთარში რომი მათ კვებავდა და უვლიდა, სანამ ისინი პეპლებად არ გარდაიქმნენ.

ამის შემდეგ, რომიმ პეპლები გაუშვა, თუმცა ერთ-ერთ მათგანს, სამეფო პეპელას, პარაზიტული ინფექციის გამო ფრთა ჰქონდა დაზიანებული. გულგატეხილმა რომიმ მისი ფოტო ფეისბუკზე გამოაქვეყნა, სადაც მას მეგობარმა სტატია შესთავაზა, რომელშიც ნაბიჯ-ნაბიჯ იყო აღწერილი, როგორ შეიძლებოდა პეპლის გადარჩენა და მისი ფრთის აღდგენა.

"ჩემი პროფესია ამ ოპერაციის ჩატარებაში დამეხმარა, რადგან მიკროსკუპულ ნემსებთან მანამდეც მქონდა შეხება" - ამბობს რომი.

მან ახალი ფრთისთვის რამდენიმე დღის წინ მკვდარი პეპლის ფრთის ნაწილი გამოიყენა.

"ეს პროცესი უმაღლესი კლასის ტანისამოსის შექმნას ჰგავდა" - დასძენს დიზაინერი.

შედეგები რომიმ ფეისბუკზე გამოაქვეყნა და დიდი გამოხმაურება მოჰყვა. პოსტს 20 ათასზე მეტი გაზიარება აქვს.

ფეისბუკის მომხმარებლები რომის მადლობას უხდიან:

"მუხლუხოებს სამეფო პეპლებად გარდაქმნაში უამრავი პარაზიტი და დაავადება უშლის ხელს, რაც მათი გადარჩენისა და ჯანმრთელი სიცოცხლის შანსებს აფერხებს. სასიამოვნო შეგრძნებაა, როცა ვიცით, რომ ამ პეპელას ამ სტადიების წარმატებით გავლაში ადამიანი დაეხმარა"

"მადლობა, რომ ასეთი პატარა არსებისთვის ასეთი დიდი რამ გააკეთე"