ეროვნულ-დემოკრატიული ინსტიტუტის კვლევის მიხედვით, 2017 წლის დეკემბერში მთავრობის საქმიანობა კარგად გამოკითხულთა მხოლოდ 13 პროცენტმა შეაფასა. ამავე კვლევის მიხედვით, გამოკითხულთა ნახევარზე მეტმა, (53%) მთავრობის საქმიანობას საშუალოდ, თითქმის მესამედმა კი (32%) - ცუდად შეაფასა. მთავრობის საქმიაბობაზე საუბარი გამოკითხულთა ერთმა პროცენტმა არ ისურვა, "არ ვიცი" კი - 2-მა პროცენტმა გასცა.

მთავრობის საქმიანობას დადებითად მოსახლეობის ყველაზე ნაკლები წილი (7%) პატარა ქალაქებში აფასებს, ყველაზე დიდი წილი (34%) კი - უმცირესობებით დასახლებულ რეგიონებში.

ფოტო: ფოტო პრეზენტაციიდან / NDI

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.