2017 წლის ამერიკული ბიოგრაფიული შავი კომედიის ჟანრის I, Tonya საქართველოს კინოთეატრებში პირველი თებერვლიდან გავა. ფილმი კრეიგ გილესპიმ გადაიღო და მისი სცენარი სტივენ როჯერსს ეკუთვნის.

ფილმი, მე, ტონია, მოციგურავე ტონია ჰარდინგის ცხოვრებასა და კარიერაზე მოგვითხრობს და ფოკუსირებულია 1994 წლის ინციდენტზე, როდესაც ტონიას კონკურენტსა და ოლიმპიურ გუნდის წევრს, ნენსი კერიგანს დაესხნენ თავს.

ფილმში მოკუმენტური სტილიცაა შემოტანილი და მხატვრული ფილმის ფარგლებში, მთავარ გმირებთან ინტერვიუებსაც მოიცავს. ტონია ჰარდინგის როლს ავსტრალიელი მსახიობი მარგო რობი ასრულებს. აღსანიშნავია, რომ ფილმის სხვადასხვა გმირები ძალიან ჰგვანან მათ, ვის როლსაც ასრულებენ.

მე, ტონიას მსოფლიო პრემიერა ტორონტოს ფილმის ფესტივალზე 2017 წლის 8 სექტემბერს შედგა, ხოლო ამერიკის კინოთეატრებში პირველად 8 დეკემბერს გავიდა.