მურმანსკში ერთ-ერთი მაღაზიის სამუშაო საათებმა მოქალაქე გაანაწყენა. როგორც Euronews წერს, როცა კაცს მაღაზია დაკეტილი დახვდა, მან უახლოესი სამხედრო ბაზიდან ტანკი მოიპარა და კარი შეამტვრია.

პოლიციამ მოქალაქე მაშინ დააკავა, როცა მას ღვინის ბოთლი ჰქონდა მოყუდებული. მათი განცხადებით, შემთხვევის მთავარი გმირი, სავარაუდოდ, მანამდეც მთვრალი იყო, სანამ სამხედრო ბაზაზე შეიჭრებოდა.

შემთხვევის შედეგად ერთი მანქანა დაზიანდა. ჯერჯერობით უცნობია, როგორ მოახერხა კაცმა ბაზაზე შეჭრა და მძიმეწონიანი ტექნიკის გამოყვანა.