ბათუმში, 2017 წლის 24 ნოემბერს, სასტუმრო ლეოგრანდში ხანძრის შედეგად გარდაცვლილ საქართველოს მოქალაქეების ოჯახებთან კომპენსაციაზე მოლაპარაკებები შედგა. ამის შესახებ სასტუმროს ადვოკატმა, კახა წერეთელმა საზოგადოებრივი მაუწყებლის აჭარის ტელევიზიას განუცხადა.

მისი თქმით, მოლაპარაკებები მიმდინარეობდა ხანძრის შედეგად გარდაცვლილი საქათველოს მოქალაქეების ათივე ოჯახთან.

"გაფორმდა სათანადო შეთანხმებები და მოხდა მატერიალურადაც გარკვეული თანხების", - განუცხადა აჭარის ტელევიზიას ლეგრანდის ადვოკატმა და დასძინა, რომ გარდაცვლილთა შვილებს კომპენსაცია სრულწლოვნების მიღწევამდე მიეცემათ, შემდეგ კი უმაღლესი განათლების სწავლის საფასური დაუფინანსდებათ.

24 ნოემბრის ღამეს, სასტუმროში გაჩენილი ხანძრის შედეგად, 11 ადამიანი დაიღუპა. მათ შორის, 10 საქართველოს, ხოლო ერთი ირანის მოქალაქე. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია შეძლეს. 20-მდე ადამიანი სხვადასხვა სირთულის ინტოქსიკაციის გამო, ბათუმის კლინიკებში გადაიყვანეს. შინაგან საქმეთა მინისტრმა, გიორგი გახარიამ განაცხადა, რომ შენობაში სახანძრო ნორმები და მოთხოვნები დარღვეული იყო.