ბათუმში მიმდინარე მშენებლობაზე ტექნიკის უსაფრთხოების შესამოწმებლად მისული ექსპერტი სიმაღლიდან ჩამოვარდა. ინფორმაციას ამის შესახებ რუსთავი 2 ავრცელებს.

ტელეარხის ცნობით, დაშავებულის მდგომარეობა მძიმეა და ის ამჟამად რეანიმაციულ განყოფილებაში იმყოფება.

როგორც სამუშაოების მწარმოებელმა, მერაბ ჩხიკვაძემ რუსთავი 2-ს უთხრა, ექსპერტს უნდა ჩაეტარებინა ამწეს დიაგნოსტიკა, რა დროსაც, ქვემოთ ჩამოსვლისას, კიბეზე ფეხი აუცურდა და დაახლოებით, მეოთხე-მეხუთე სართულის სიმაღლიდან ჩამოვარდა.

საქმეზე გამოძიება სამშენებლო უსაფრთხოების წესების დარღვევის მუხლით მიმდინარეობს.