თბილისის საქალაქო სასამართლომ კალათბურთის თამაშების ჩაწყობის ბრალდებით დაკავებულ მსაჯებს, ირაკლი და დავით ბერიშვილებს აღკვეთის ღონისძიების სახით გირაო პატიმრობის უზრუნველყოფით, 5-5 ათასი ლარის ოდენობით შეუფარდეს.

ასევე, ამავე ბრალდებით დაკავებულ მსაჯ ზაზა მაჩალიძეს, საკალათბურთო კლუბ სოხუმის მწვრთნელს ვაჟა კვარაცხელიასა და ამავე კლუბის თანადამფუძნებელს თემურ დათიკაშვილს კი პატიმრობა. მოსამართლემ გადაწყვეტილება ცოტა ხნის წინ გამოაცხადა.

პროკურატურამ მსაჯების, ირაკლი და დავით ბერიშვილების მიმართ აღკვეთის ღონისძიების სახით თითოეულ ბრალდებულზე 10 ათასლარიანი გირაოს შეფარდება მოითხოვა.

გამოძიების მტკიცებით, კლუბ სოხუმის მწვრთნელი, ვაჟა კვარაცხელია და კლუბის თანამფლობელი თემურ დათიკაშვილი საერთაშორისო კატეგორიის მსაჯების, ზაზა მაჩალაძის, ირაკლი ბერიშვილისა და დავით ბერიშვილის დახმარებით, თანხის სანაცვლოდ საქართველოს საკალათბურთო ჩემპიონატის სუპერლიგის სხვადასხვა მატჩებში სასურველი შედეგს აფიქსირებდნენ.

გამოძიება სსკ-ის 221-ე მუხლის მეოთხე ნაწილის ა ქვეპუნქტით მიმდინარეობს, რაც ჯგუფურად კომერციული მოსყიდვას გულისხმობს და სასჯელის სახით 4-დან 6 წლამდე თავისუფლების აღკვეთას ითვალისწინებს.