საქართველოს პრემიერ-მინისტრმა გიორგი კვირიკაშვილმა საზოგადოებას ბოდიში მოუხადა მას შემდეგ, რაც ნაციონალური მოძრაობის წარმომადგენელს, ნიკა მელიას, პარლამენტში, კამერების წინ კეთილები აგინა.

"მანამდე, ვიდრე ჩვენ ვიქნებით დეპუტატები, თუ მთავრობის წევრები, თუნდაც პრემიერ-მინისტრი, ჩვენ ყველანი ვართ ადამიანები და ჩვენი ღირსება გაგვაჩნია. საზოგადოებას მინდა ბოდიში მოვუხადო ჩემი ზედმეტი ემოციებისთვის, მაგრამ ნაციონალური მოძრაობის წარმომადგენელმა, ყველას არ ეხება ეს, შეძლო, გამოეყვანა მდგომარეობიდან ჩემი თავი და ეს არ იყო კარგი საყურებელი. თუმცა, კიდევ ერთხელ ვამბობ, რა თანამდებობაზეც არ უნდა ვიყოთ, ჯერ ჩვენი ღირსების დაცვა გვავალია და მერე დანარჩენი. ყველაფერი, რაც მანამდე ხდებოდა, გამიზნული იყო იმისთვის, რომ ეს მომხდარიყო. თუმცა, ზედმეტი იყო ეს ემოციები".

კვირიკაშვილი, მთავრობის წევრებთან ერთად, დღეს პარლამენტარების წინაშე ანგარიშით წარსდგა. მისი გაღიზიანება გამოიწვია ნიკა მელიას რეპლიკამ. ოპოზიციონერმა დეპუტატმა მას კრიმინალების მფარველი უწოდა.