საქართველოს ადვოკატთა ასოციაციის მეორე ტურის არჩევნები 23 დეკემბერს, 15 საათზე სპორტის სასახლეში გაიმართება. ამის შესახებ გადაწყვეტილება ასოციაციის ახლადარჩეულმა აღმასრულებელმა საბჭომ პირველ სხდომაზე მიიღო.

მეორე ტურში ყველაზე მეტი ხმის მქონე ორი კანდიდატი, დავით ასათიანი და ლევან ჯანაშია მიიღებენ მონაწილეობას. პირველ ტურში დავით ასათიანმა მიიღო 1129 ხმა, ხოლო ლევან ჯანაშიამ - 635 ხმა.

ადვოკატთა ასოციაციის თავმჯდომარის არჩევის პირველი ტური ცხრა დეკემბერს ჩატარდა და ხმების უმრავლესობა ვერც ერთმა კანდიდატმა ვერ მიიღო. დღეს, 17 დეკემბერს ასოციაციამ პირველი ტურის შემაჯამებელი ოქმი გამოაქვეყნა.