მერილ სტრიპის სახელის გაგონებისას, ძირითადად ყველამ ვიცით, რომ საუბარი ჩვენი დროის ყველაზე ნიჭიერ, გავლენიან და ტიტულოვან მსახიობზეა საუბარი.

ერთ-ერთ სატელევიზიო ინტერვიუში ბეტ მიდლერს ჟურნალისტმა ჰკითხა, უყურა თუ არა მერილ სტრიპის ახალ ფილმს, რაზეც მსახიობმა თქვა, რომ ნახა და იხუმრა, რომ ძალიან არ მოეწონა, რადგან მერილ სტრიპი მასზე ბევრად უკეთესია, რაზეც წამყვანისგან ცოტა ხისტი პასუხიც მიიღო - "არაუშავს, ნუ იდარდებ ამაზე, ის ყველას გჯობნით".

მერილ სტრიპი ერთადერთი მსახიობია ისტორიაში, რომელსაც ოსკარის 21 ნომინაცია აქვს მიღებული და ცოტა ხნის წინ კი, როდესაც ოქროს გლობუსის რიგით 75-ე დაჯილდოების ნომინანტთა ვინაობა გახდა ცნობილი, სტრიპმა 31-ე ნომინაცია მიიღო, რაც იმაზე გაცილებით ემტია ვიდრე ნებისმიერ სხვა მსახიობს ოდესმე ჰქონია.

ცოტა ხნის წინ მერილ სტრიპი 83 წლის გლორია სტაინემს შეხვდა.

სტაინემი ამერიკელი ჟურნალისტი, აქტივისტი და ქველმოქმედია, რომელსაც ხშირ შემთხვევაში ფემინიზმის სახედ მოიხსენიებენ. საუბრის დროს მერილ სტრიპმა და სტეიმანმა ისაუბრეს იმაზე, თუ რა კომპლიმენტი უნდა უთხრას ადამიანმა ქალს.

სამი ოსკარის მფლობელი მსახიობი ამბობს, რომ მისთვის ყველაზე სასიამოვნო მოსასმენია, როდესაც ეუბნებიან, რომ ნიჭიერია.

"დედაჩემი დიასახლის იყო, სახლში მოსულს ყოველთვის გვხვდებოდა თბილი გარემო, გემრიელი ვახშამი და მომღიმარი დედა. ვიცოდი, რომ სინამდვილეში ამ კომფორტის მიღმა, რასაც დედა გვიქმნიდა, იყო ის, რაც დედა, ვერ შეძლო - თავისი ოცნებების ახდენა. ერთხელ მითხრა, მერილ შენ ნიჭიერი ხარ და უნდა გააკეთო ყველაფერი, რომ ამის რეალიზება შეძლო. ეს ყველაზე სასიამოვნო კომპლიმენტი იყო რაც ცხოვრებაში მიმიღია.", - ყვება სტრიპი.

სტრიპი გარეგნობის გამო გაკეთებულ კომპლიმენტებსაც ეხმიანება:

"არასოდეს მიფიქრია, რომ ლამაზი ვარ. როდესაც ამას მეუბნებოდნენ თავს ცოტა უხერხულადაც კი ვგრძნობდი. სიმართლე გითხრათ, ყველაზე მეტად მსიამოვნებს, როდესაც ჩემი ქმარი მეუბნება - მერილ, არ იდარდო შენს წონაზე. დამიჯერეთ, ამაზე სასიამოვნო მოსასმენი არაფერია. ძალიან სულელურია, როდესაც ვიღაცები ადამიანებს სტანდარტებს უწესებენ, შემდეგ ამის გამო, ვიღაც სარკეში იყურება და თავის თავს ეუბნება - ღმერთო, ძალიან დიდი საჯდომი მაქვს. არა საყვარელო, შენ იდეალური საჯდმომი გაქვს", - ამბობს მერილ სტრიპი.

სტრიპი მოუწოდებს ქმრებს, შვილებს, შეყვარებულებს, ძმებსა და მამებს მხარი დაუჭირონ იმ ადამიანებს, რომლებიც უყვართ.

"არაფერია იმაზე მნიშვნელოვანი, როდესაც ადამიანები ერთმანეთს მხარში უდგანან. წარმოიდგინეთ, ასეთ დროს თავს მარტო აღარ გრძნობ, იცი რომ ვიღაც გყავს, ვისაც აინტერესებს შენი აზრები. წელს, ჰოლივუდში საშინელებები მოხდა, ეს ყველაფერი წლების განმავლობაში ჩვენს გარშემო ხდებოდა, ვიღაცებმა იცოდნენ, ვიღაცებმა არა, მაგრამ მოხდა ისე, რომ ხმამაღლა ვერავინ საუბრობდა, იმიტომ რომ მხარდაჭერის ნაკლებობას გრძნობდა, ეშინოდათ ხმის ამოღების. ყვიროდნენ, მაგრამ ეს ყვირილი არასდროს იყო ისეთი ხმამაღალი რომ გაგვეგო. ამაში ყველა დამნაშავე ვართ, მათ შორის მეც. კომპლიმენტები კარგია, საისიამოვნო მოსასმენია, მაგრამ კიდევ უფრო კარგია, როდესაც სიტყვასთან ერთად ადამიანები შენს მხარდაჭერას გრძნობენ. უთხარით ერთმანეთს - მე შენთან ვარ, მე შენთან ვარ, მე შენთან ვარ, აგრძნობინეთ, რომ მარტოები არ არიან და ყველა პრობლემა ნელ-ნელა გაქრება.", - ამბობს მერილ სტრიპი.