თბილისში, რუსთაველის გამზირი, 10 დეკემბერს, ღამის 12 საათიდან დილის 7 საათამდე გადაკეტილი იქნება. მიზეზი საახალწლო ილუმინაციების სამონტაჟო სამუშაოებია. ინფორმაციას თბილისის მერია ავრცელებს.

უწყების ინფორმაციით, გადაკეტილი იქნება რუსთაველის გამზირი ვარდების მოედნიდან თავისუფლების მოედნამდე.

თბილისში ახალი ილუმინაციების მონტაჟი რამდენიმე დღის წინ დაიწყო. ახალი ილუმინაციები თბილისის ბიუჯეტს სამ მილიონ ლარამდე თანხა დაუჯდა.