Tbilisi Open Air-მა ტურიზმის ეროვნული დაჯილდოების ცერემონიაზე 2017 წლის საუკეთესო ფესტივალის/ღონისძიების ჯილდო მიიღო.

ფესტივალს ტიტული ტურიზმის ეროვნულმა ადმინისტრაციმ გადასცა.

"დიდი მადლობა ყველა იმ ადამიანს და კომპანიას, რომელიც მონაწილეობს ჩვენი ფესტივალის შექმნაში 2009 წლიდან დღემდე. და განსაკუთრებული მადლობა მათ, ვინც ესწრება Tbilisi Open Air-ს - ადამიანებს, ვისთვისაც ეს ფესტივალი კეთდება" - დაწერეს ფესტივალის ორგანიზატორებმა ფეისბუკზე.

თბილისი ოუფენ ეარი საერთაშორისო მუსიკალური ფესტივალია, რომელიც როკისა და ელექტრონული მუსიკის მსმენელებისთვის 2009 წლიდან იმართება. ფესტივალის ფარგლებში, საქართველოში ჩამოვიდნენ ისეთი ჯგუფები, როგორიცაა Archive, Placebo, Air და სხვები.